Kaise kahein ke jaan se pyara nahi raha
kaise kahein ke jaan se pyara nahi raha
yeh aur baat ab wo hamara nahi raha
ansoo tere bhi khushk hue aur meray bhi
nam ab kisi nadi ka kinara nahi raha
kuch din tumharay laut ke anay ki aas thi
ab is umeed ka bhi sahara nahi raha
rastay me wo najoom ke tabdil ho gaye
in khirkion me ik bhi tara nahi raha
samjhay thay dusro se bohat mukhtafleef tujhe
kya maan lein ke to bhi hamara nahi raha
haaton pe bujh gai hai mukadar ki kehkashan
ya rakh hogaya wo sitara nahi raha
tum aetbar us ke liye kion udas ho
ik shaks jo kabhi bhi tumhara nahi raha….
No Comments »
No comments yet.
RSS feed for comments on this post. TrackBack URI
Leave a comment
If you want to leave a feedback to this post or to some other user´s comment, simply fill out the form below.