shayari and kavitae dil se
shayari and kavitae dil se my Collection
Here are some lines straight from my heart of course not written by me but like them DIL SE.
duniya soche shauq se soche,aaj aur kal ke baare mein
main kyon apnaa chain gavaanoon us paagal ke baare mein
sange-marmar ki kabron mein mahwe-khwaab the hum dono
kal shab dekhaa khwaab ajab saa taajmahal ke baare mein
aakhir uskee sookhi lakadi ek chitaa ke kaam aayee
hare-bhare kisse sunte the jis peepal ke baare mein 
mere sheetal man kee jwaalaa ko to aour bhee bhadkaaya
log na jaane kyaa kahte hain gangaa jal ke baare mein
aansoo bankar toot gayaa thaa jo sapnon ki palkon se
saat yugon se soch rahaa hoon main us pal ke baare mein
choomo ghoonghat khol ke choomo is dulhan ke hothon ko
ye apnaa dastoor hai may ki har botal ke baare mein
vo jo kutiyaa daal rahaa hai veeraane mein shahar se door
saara shehar pareshaan kyon hai us paagal ke baare mein
Comment by Lokendra Ramola
hai very nice poem u deserve a chocklate.